Terra victoris

Uprisen-vinnar tilbake med ny sci-fi.

Mot slutten av 2000-talet stod menneskeslekta på kanten av stupet. Verdas nasjonar hadde svikta i kampen mot klimaendringane, samtidig som ein ny trussel vaks fram: den første kunstige intelligensen.

Han fekk namnet Alpha-intelligensen, og gjennom internettet sine knutepunkt og bakdører gjekk han til angrep på verdas land og organisasjonar. Men medan verdssamfunnet knela i møtet med den nye fienden, slo dei aller rikaste menneska på kloden seg saman og tok opp kampen.

Dei vann krigen mot Alpha-intelligensen. Dei stoppa klimakrisa. Og no blir dei dyrka og sett opp til over heile verda - som udødelege heltar.

I eldgamle Istanbul, der krigen enda, leitar to ungdomar etter svar på kvar sin kant. Ingrid frå Noreg skal møta arkeolog-onkelen sin, medan den lokale guten Zeki leitar etter ei sakna venninne. Snart kryssar vegane til Ingrid og Zeki seg, og dei blir kasta ut i eit kappløp der sjølve verdssamfunnet står på spel. For falne fiendar kan reisa seg igjen.