L
– Me fekk denne boka i gåve då sonen vår var berre eit par månader. Eg bladde då gjennom ho, overraska over at det fanst ei såpass gjennomarbeidd og flott songbok på nynorsk. For boka er strålande - kjempekjekk viss du kan litt gitar eller piano, for her får du noter og relativt enkel besifring. Eg syng nok nokre av desse songane for veslemann, men endå er han nok for liten til at me har fullt utbyte av boka - eg trur me vil få mykje større glede av ho når han vert 4-5 år, og me kan få lære han dei songane me song som barn. Ei bok som truleg vil vare lenge, og som bringer fram mykje gjensynsglede og blid, mimrande nynning.