J
– For dei fleste nordmenn er Bulgaria kjend for dei billige feriemåla sine langs svartehavskysten. Denne boka viser fram ei anna side av Bulgaria - eit Bulgaria som er lite kjend for dei fleste her i landet. Dei tre forfattarane - alle tre slavistar og vitskapsfolk på høgt internasjonalt nivå - har gått grundig til verks i å skapa ei kort framstilling som viser dei fleste aspekta ved den bulgarske soga. Her finn me utdrag frå dagleglivet i Bulgaria slik det er framstilt i den bulgarske skjønnlitteraturen og også ei grei framstilling av den bulgarske soga. Definitivt ei bok som gjev ein kveik til å finna ut meir om dette for dei fleste ukjende landet.