Årboka for Sogn og Fjordane 2010 er ei fyldig oppsummering av det lokalavisene kunne fortelje om livet i det mangslungne fylket i løpet av året. I denne årgangen av Årboka finn du både harde nyhende, mjuke historier og konkrete fakta om oss som lever og bur her. Her handlar det både om sjukehusstrid og byjubileum, kvardagsliv og fest, fotballopera og fotballopprykk. Du møter heltar som Tarjei Bø og Per Christian Brunsvik, og mange andre kjende og ukjende heltar. Boka har også ein fyldig statistikkdel med alle slags fakta om geografi, næringsliv, kultur, sport og mange andre område. Heilt til slutt finn du også eit fyldig register med kring 1000 namn på personar som vert omtala på dei 256 sidene.