Ein eldre mann opnar døra der han bur ved havet og trår ut på trappa, ut i språket og i lufta som dirrar av lys og lukter. Kvar dag betraktar han verda rundt, kjenner at livet er godt, men slett ikkje ei sjølvfølgje. Ikkje lenger.

Noko tenkjer du med språk, anna berre opplever du med ordlaust medvit. Nokre livserfaringar set du ord på, medan nokre vert verande utanfor språket, saman med rådyra og furutrea, elvevatnet og marehalmen.

«Helge Torvund skriver tankevekkende og inspirerende og han er utvilsomt ei musikalsk sjel (...) Helge Torvund har mye å fortelle mange.» Tor Hammerø, Nettavisen (Terningkast 5)

«Poesien hans er ein måte å leve sansande på. I årets bok er det som om poeten på ny er komen attende til verda. (...) Variasjonen i boka er stor. Forunderlege, draumeliknandebiletevekslar med barneaktige regler, varsame antikrigsdikt og dikt som reflekterer over skrivekunst, bilet- og skulpturkunst.» Sindre Ekrheim, Stavanger Aftenblad (Terningkast 5)

«Ein som alltid har balansert kvalitet med lesbarheit, er Helge Torvund. (...) Det er ei fin samling dette her, prega av ein tryggleik i møte med tilværet som eg meiner mange vil finna seg vel til rette med. Dikta til Torvund er som alltid prega av fin pust, fin rytme. Og av ei sterk tru på at språket kan bera det som i utgangspunktet kan verka banalt eller patetisk.» Hadle Oftedal Andersen, Klassekampen