N
– Dette var mitt første møte med forfattaren Anna Gavalda - og snakk om fulltreff! Frå første side av vert ein umiddelbart dregne inn i boka, og ein slepp ikkje laus att før siste side er lesen. Boka er tjukk, ja, men veldig lettlest og veldig "rasklest". Fire personar som strir på kvar sin kant - med kvar sine ting. Men liva deira filtrar seg inn i kvarandre, og ting byrjar å skje... Spanande bok om kvardagane våre og dei tilsynelatande små vala våre som fort viser seg å vere kjempestore. Språket er leikande lett, samtidig rommar boka mykje smerte og tyngd. Veldig fascinerande og rørande bok som neppe slepp taket så fort.