Meny
 

Det hvite hotellet

Denne Jo Nesbø-boka finst det endå fleire grunnar til å kjøpe. Alle dei vanlige grunnane. Og litt til. Les mer
Vår pris
89,-
Spar
60,-

Veil. pris: 149,-  (Innbundet)
Leveringstid: Ikke i salg

Innbundet
Innbundet
Vår pris: 89,-
Spar: 60,-

Veil. pris: 149,-  (Innbundet)
Leveringstid: Ikke i salg

Presentert av Are Kalvø

Det er ikkje tilfeldig eller flaks at Jo Nesbø er ein av Norges mest populære forfattarar. Det er fordi han er god. Og fordi norske boklesarar har peiling. Så du treng sjølvsagt eigentlig ikkje nokon til å fortelje deg at det er verd å kjøpe ei bok med ei ny forteljing av Jo Nesbø.

Men det er likevel det eg skal gjere. For denne Jo Nesbø-boka finst det endå fleire grunnar til å kjøpe. Alle dei vanlige grunnane. Og litt til.

Fordi dei har rett til det
Det hvite hotellet
begynner med at den norske forsikringsmannen Thomas Alvern landar på flyplassen i Bombay. Han er der for å identifisere ein person i samband med eit mulig forsøk på forsikringssvindel. Thomas Alvern trur det skal bli ein enkel og grei jobb. Det blir det ikkje. Og det passar i grunnen bra. For denne boka handlar på meir enn ein måte om å ta på seg vanskelige jobbar. Veldig vanskelige jobbar. Støtt Redd Barna

I år 2000 vedtok FN tusenårsmåla, der det mellom anna står at alle verdens barn skal gå på skule innan år 2015. Ein vanskelig jobb, må ein kunne seie. Redd Barna har tatt på seg å gjere sin del av denne jobben. Ikkje den enklaste delen heller. Redd Barna leiar den store og ambisiøse internasjonale kampanjen ABC redder barna, som har som mål å gi skulegang til 8 millionar barn i område med krig og konflikt. Ein vanskelig jobb, men ein viktig jobb. Fordi skulegang er det som kan gi håp om normalitet, fordi land ramma av krig treng ein generasjon med skulegang når landet og framtida skal byggast. Og fordi barna sjølve ønsker det og har rett til det.

"Redd Barna inviterer Norges beste forfattarar til å gjere det dei kan best, fortelje historier."

Redd Barna arbeider med dette på mange måtar. Denne boka er ein del av arbeidet. Dette er den første i ein serie av bøker der Redd Barna inviterer Norges beste forfattarar til å gjere det dei kan best, fortelje historier. Historier som er underhaldande, spennande, engasjerande, skremmande, morsomme, pussige eller noko av alt det andre som gode historier kan vere. Og historier som på ein eller annan måte handlar om det kampanjen ABC redder barna handlar om.

Jo Nesbøs forteljing Det hvite hotellet er for eksempel ikkje berre ei historie om ein forsikringsmanns jakt på ein mulig svindel, men også ei historie om ein nordmanns møte med fattigdom, med meir eller mindre utspekulerte former for tigging, og spesielt med ei lita jente på eit rullebrett.

Og om mykje anna, som i alle gode historier. Om å ikkje sjå folk i auga, for eksempel. Og om ekteskapsproblem. Og om det å lytte til gode råd frå folk som har vore i India før.

Årets julegave
Inntektene frå boka går til Redd Barnas arbeid med å gi skulegang til barn i område ramma av krig og konflikt. Kjøper du boka, hjelper du til litt, i tillegg til at du får ei god ny historie av ein av Norges beste forteljarar. Kjøper du mange eksemplar av boka, hjelper du litt meir. Du kan for eksempel gi boka i julegåve til slekt og venner og  forretningsforbindelsar. Dei vil ikkje ha strømper eller minnepinnar med firmalogo likevel. Det er ingen som vil ha det. Gi dei heller denne boka.

"Inntektene frå boka går til Redd Barnas arbeid med å gi skulegang til barn i område ramma av krig og konflikt."

Sjølvsagt treng du ingen fleire gode grunnar til å kjøpe ei Jo Nesbø-bok. Det hvite hotellet er sjølvsagt spennande, engasjerande, gjenkjennelig og velskriven. Morsom er han også, midt oppe i det heile. Så du treng ikkje fleire grunnar. Men no har du fått det også.

Are Kalvø

 

Are Kalvø er forfattar og komikar. Han har initiert eit samarbeid mellom Aschehoug og Redd Barna, der overskuddet går til ABC redder barna.

 

FAKTA
Utgitt:
Forlag: Aschehoug
Innbinding: Innbundet
Språk: Norsk Bokmål
Sider: 59
ISBN: 9788252567557
Utgave: 1. utg.
Nr: 5010284
VURDERING
Gi vurdering
Les vurderinger