«Roedd Mr Cadno'n gadno campus iawn. Roedd ganddo wraig gampus, plant campus a ffrindiau campus. Ond roedd yna dri ffermwr cas a chreulon yn byw ar ei bwys. Eu henwau oedd Boggis, Bunce a Bean. Roedd y tri'n gofalu am bethau gwahanol fel ieir, hwyaid, gwyddau ac ychydig o seidr. Mae'r stori'n eitha cyffrous ac mae yna ddigon o bethau'n digwydd ynddi. Mae Mr Cadno'n gampus iawn am ddwyn eu hanifeiliaid ond dydy Boggis, Bunce a Bean ddim yn hapus iawn o gwbl. Yna mae'r ffermwyr yn cael cynllun i balu twll yn yr union fan lle roedd Mr Cadno'n byw. Roedden nhw'n gobeithio y byddent yn ei lwgu ond mae Mr Cadno'n cael cynllun campus arall. Rwy'n meddwl bod hon yn stori dda iawn ac mi fydd llawer o blant eraill yn ei hoffi hefyd. Er mwyn cael gwybod yn iawn beth sy'n digwydd yn y stori, mi fyddwch angen y llyfr campus hwn gan Roald Dahl.»

Ifan Llywelyn @ www.gwales.com