– Denne boka er den første samla framstillinga av gramatikken i dei språka som tidlegare vart kalla serbokroatisk. Boka er grundig og tek for seg språkhistoria i det sentralssydslaviske språkområdet før forfattaren byrjar med grammatikken. Bosnisk, kroatisk og serbisk grammatikk blir handsama under eitt, noko som ikkje svekkjer boka. Boka er lett å finna fram i og grundig med omsyn til lesarar på alle nivå. Her er både den mest elementære grammatikken tilgjengeleg i nyttige tabellar og også meir detaljerte opplysingar for folk på eit anna nivå - slik som trykk og vokalkvalitet markert over kvart einaste ord. Oppsummert er boka uunnværleg for alle som driv med dei tre språka - og også for andre som har drive med slaviske språk elles og som vil ha eit oversyn over grammatikken i desse tre sydslaviske språka attmed.